مرادات بين (( مسلم الحمر))(( ومحمد دعاس المعشني))

[قمم نحو الهمم]

هذي القصيده للشاعر (( مسلم سعيد الحمر )) يطلب من بن دعاس الرد عليهــــا


(( الذلول الظامر ))


على حمراء جنوبيه لطى زملي وحطيت القتب ....
نحيفه خصر والمنحر أصيله تخزي اللاشي

عليهـا نثني التغرود ونطلقهــا اذا النسناس هب
وهي تطلق خطاويها زبدها راسها غاشي

ذلول من الظوامر من خيار الهجن عد ما تنحلب
طويله باع في الممشى أبد ما هدها حاشي

نركضها نتعبها ونصلبها أذا الشور اصتلب
نسرحها نروحها مع سريه ومغباشي

اليك الشهم بوحاتم سنيد لمن توجه لك طلب
حسمت الشور جديته ولك روحت مطراشي

عرفتك من سلالة قوم نشمى ما يحطون السلب
عرفتك للعدى صارم وللضيفان بشاشي

عرفتك للقوافي نبع صافي عدها عدما نضب
اذا جفت صحاري القافيه هزيت طشاشي

صحيح ماقد تعارفنا ولكن شوق قيفاني غلب
غلب نفسي تبين لك خفايا ماحوى جاشي

انا ياخوي من دنيا غريبه امرها شفت العجب
أذا ما جاتني سلفه لغيري جات ببلاشي

معى ما فادها رجوى ولا شكوى ولا فاد العتب
تكدر صفوها الأول وصارت ناب نهاشي

زرعت الحيد من دمي ولكن غيري الثمره صرب
ومن محصولي الوافر ضعيف المسنده عاشي

وكل ما قلت بحسبهــا وغيث الموسمي حله قرب
تضيع بحسبتي الحسبه يغالطني فتى ناشي

على منبر زمانه يامحمد في الملا قام وخطب
يقول انه على السنه ولكن مذهبه فاشي

وصار الحيد كالغابه وكل من قد تولاها نهب
يمشيها على كيفه يخربها وهو ماشي

خيار القوم فيهم من على نيرانها زاد الحطب
رفيع الشأن من يدفع بسوق المعيره كاشي

ابو حاتم علامه جونا الصافي تغير وانغلب
علامه ثوبنا الأصلي صبح في قيمة الشاشي

محمد نا توزيتك عزيتك دلني وش السبب؟

عسى قولك يفرج هم كتمته غم بهياشي

توزيتك أبو حاتم ولا قصدي أرعبها مع كل من رعب
ترى قولي ومعنايه عن الزلات ينحاشي

توزيتك أبوحاتم لانك شخص تنصيه العرب
سديد الرأي ما تثنيك كلمه قالها واشي





الرد من محمد دعاس المعشني


(( البيارق ))


طلائع ركب من نجدي عليها حاديا أغلى نسب
زهت ناموس والمزمل على الدفات زركاشي

رغى وحنين يتناغم مع المسرى كأنغام الطرب
تخلي المستمع طاير بلا جنحان ورياشي

نقف محمل بفرسانه يهز القاع أذا الواحد وثب
الينا متجه عاني الى القمه وأحراشي

خرجنا كلنا زفان علينا البيارق في المهب
لأن القافله فيها مسلم لاح نغاشي

من البيدا نغش شعره الى دربات شريان العصب
بلاموعد نظم شعره مع المحسوس متماشي

تشكي لي وأبكي لك هموم الحال من هول المغب
لأن الحر في هذا الزمن محسوب نباشي

أذا نافقت أو وطيت راسك خوف انت المستحب
وجور المرحله باين بلا تصوير بفلاشي

ونحن في معادنها خلطنا الخبث بعيار الذهب
مع الناموس متساوي غريب الدار وأحباشي

شعاب الريف والصحراء ندى وسيول جمعها المصب
وبذروها.... ولكن الثرى مبلوط بالكاشي

مساعينا بذلناها بلا مقياس أيام الغضب
ولا راجعت خسراني ولا عتيت بمعاشي

طبيعي يكتسي المحظوظ بالسندس بلا ادنى تعب
ولا يعني يوقفنا على تهريج وهواشي

مسار المرحله محدود بالتوقيت عند المحتسب
فسبحان الذي يمهل ولا يهمل لغشاشي

أخى ان ضاقت الأحوال والمسعى على أمرك صعب
بأرض الله تجد أبدال ماهي سجن واحواشي

مناويكم لها حسبان تتعطل ربابين الخشب
ويرجون السفر حتى رعود الغرب تتلاشي

ولك سيفا صقيل الحد هنداوي وبرقا من لهب
أذا غارت جيوشا غاشمه لك قوم بطاشي

وروضت الصقور الجارحه موصوف بفنون الأدب
وان هفيت غانمها وكم من هفتك خاشي

سعيف الشور طالبني أقص الأثر وامشيها مخب
وهو دلال كثبانه اذا ما راد ارباشي

ودمتم بود




منقول