هبـــــــــــوب الذكـــــــــــرى

[نسرين]

صلوا على النبي


سما عذب القصيد وعانق القمرا
وجر الصوت نسناس(ن) سرا ليله

خذا من بين ضلعان الحشاء مجرا
وزان الشاعرك جنيت محاصيله

اجيك امن الوله طرب(ن) على المسرا
على جالك مولمت(ن) معاميله

هجوس(ن) ساقها التقدير وانت ادرا
بعد طول المفارق جارين سيله

تحدر وارتوى الضميان وانت اقرا
قصيدة شاعر(ن) تطرب مواويله

يعسف امن المهار الندر الشقرا
يروض كل طرف(ن) زاهي(ن) ميله

يهيم ابكل واد ان هبت الذكرا
صحا جمر الغلا واشعل قناديله

ياذعذاع النسيم ابروضت(ن) خضرا
بعد ليل(ن) امداعبته هماليله

خذا منك الصباح اشروقت(ن) صفرا
وخذيتي من عنا قلبي غرابيله

اهيم ومالقيت الانتِ لي مذرا
من هموم الزمان وقلت الحيله

حبيبي والجروح اليا بطت تبرا
وجرحك طال واعيتني تعاليله

لجل رمش العيون النعس الخدرا
يجيك احساس ماجفت مناديله

يجيك امن الوله والشوق والحسرا
يردد هاجس الذكرا مواويله

حمد بن ثلاب